"Partiyaların qadağan edilməsindən sonra artıq hamımız fərdi qaydada qadağan olunacağıq - yeni qanun belədir və Konstitusiya Məhkəməsinin partiyaları ləğv etməsi praktiki olaraq avtomatik şəkildə bu nəticəyə gətirib çıxaracaq. Söhbət partiyalardan deyil, siyasətin ləğv edilməsindən və bütün dəyişiklik yollarının bağlanmasından gedir".

Aktual.ge xəbər verir ki, bunları “Dəyişiklik üçün Koalisiya”nın lideri Nika Qvaramiya “Facebook”da yazıb.

Onun sözlərinə görə, sabah Tbilisi Dövlət Universitetinin (TSU) birinci korpusunun qarşısında planlaşdırılan aksiya ilə etirazın yeni mərhələsi başlayır.

“Yüz minlərlə insanın siyasətdə iştirak etmək hüququ artıq olmayacaq. Üstəlik, bu, seçmə qaydada həyata keçiriləcək - yalnız Bidzina [İvanişvilinin] qərar verəcəyi şəxslərə qarşı. Bəli, bundan sonra siyasətlə məşğul olmaq üçün lisenziyanı İvanişvili verəcək.

Bunu seçicilərin səsvermə hüququnun qadağan edilməsi ilə qarışdırmayın: daha çox insan ya artıq səs verə bilməyəcək, ya da səs verməyin mənasını görməyəcək, çünki onların üstünlük verdiyi partiyalar seçki bülletenində ümumiyyətlə olmayacaq. Müxalifətin qadağan edilməsi nəzərdə tutulan subyektlərinin seçicilərini və mühacirləri birlikdə hesablasaq, belə insanların sayı artıq Gürcüstanda təxminən bir milyon yarıma çatır.

Beləliklə, ləğv edilən partiyalar deyil, siyasətin özüdür və bütün dəyişiklik yolları bağlanır. Sabah axşam saat 7-də, TSU-nun birinci korpusunun qarşısında! Etirazın yeni və bəlkə də ən mühüm mərhələsinə başlayırıq: İvanişvilisiz Gürcüstan!

P.S. Dəyişikliyə aparan bütün yollar bağlananda çay o qədər güclü olmalıdır ki, bəndi yarıb keçsin. Bunu yadda saxlamalıyıq”, - deyə o, qeyd edib.